गैर आवासीय नेपाली तारा कतार २०११ आयोजना हुने

नरापो न्यूज संवाददाता,

दोहा, कतार । तमू बौद्ध सेवा समिति कतारको संरक्षकत्वमा स्थापित तमू सांस्कृतिक परिवारले आफनो तेश्रो प्रस्तुतिको रुपमा “गैर आवासीय नेपाली तारा कतार २०११” कार्यक्रमको आयोजना गर्ने भएको छ । 

सांस्कृतिक परिवारका अध्यक्ष बिमल गुरुङले दिनु भएको जानकारी अनुसार उक्त कार्यक्रमको प्रमुख उद्देश्य भनेको कतारमा कार्यरत नेपाली प्रतिभालाई प्रोत्साहन दिने नै हो । स्मरण रहोस उक्त सांस्कृतिक परिवारले गत वर्ष पनि “नेपाली कला र संस्कृतिको संरक्षण गरौं, विदेशमा रहेका प्रतिभाको खोजि गरौं” भन्ने मुल नाराका साथ “गैर आवासीय नेपाली तारा कतार २०१०” कार्यक्रम भव्यताका साथ सम्पन्न गरि सकेको छ ।

प्राप्त समाचार अनुसार छिट्टै कार्यक्रमको विस्तृत विवरण सार्वजनिक गरिने छ । यस वर्ष पनि गत वर्षमा जस्तै नृत्य र गायन गरि दुबै विधामा नेपाली प्रतिभाहरुको विच प्रतिस्पर्धात्मक सांस्कृतिक कार्यक्रमको आयोजना गरिने छ । गत वर्षको कार्यक्रमबाट हामीले धेरै पाठ सिकेका छौं ।

त्यसैले यस वर्षको कार्यक्रम अरु उत्कृष्ट हुने वारे विश्वस्त रहेको कुरा हामीसंगको भेटमा अध्यक्ष गुरुङले बताए । बताईए अनुसार यो कार्यक्रम मार्फत कतारमा रहेका नेपाली प्रतिभाहरुले आफनो कला प्रस्तुत गर्न एउटा अवसर प्राप्त गर्ने छन् भने नेपाली कला र संस्कृतिलाई माया गर्ने नेपाली कला प्रेमी कतारवासी नेपालीहरुले भरपुर मनोरञ्जन पनि प्राप्त गर्ने छन् ।

 
Posted by FNN on Jun 29th, 2011 and filed under Diaspora.