मलेसियामा आठ नेपाली अलपत्र

नरापो न्यूज संवाददाता,

मलेसिया । वैदेशिक रोजगारका लागि आएका सप्तरीको बैरबा गाविसका आठ युवक मलेसियामा अलपत्र परेका छन् ।सप्तरीकै एक दलालमार्फत मलेसिया पुगेका उनीहरू दलालबाटै ठगिपछि अलपत्र परेको बताइएको छ । यसरी अलपत्र पर्नेमा बैरबा गाविस-४ का सर्फराज मन्सुरी, अजाद मन्सुरी, जनिफ मन्सुरी, रज्जाक मन्सुरी, मर्तुजा मन्सुरी, वार्ड नम्बर-८ का मोर्हरम शेख, नासिर मन्सुरी र वार्ड नम्बर-९ का तजमुदिन शेख रहेका छन् ।

राजविराज नगरपालिका-४ का दलाल इमामुदिनमार्फत जनही ९५ हजार रुपैयाँ तिरेर मलेसिया पुगेका उनीहरू मलेसियाको सरमबन्द भन्ने स्थानमा अलपत्र परेको उनीहरूका परिवारजनले बताएका छन् । इलेक्ट्रोनिक्ससम्बन्धी काम गर्न भनेर आफूहरू यहाँ आएको तर सो काम नपाउँदा अलपत्र परेको उनीहरूमध्येका नासिर मन्सुरीले टेलिफोनमा जानकारी दिए ।

http://www.tokyonepal.com/2011/06/30/28729.html